دوميدو

المكان حلو وصغير والموظفات قمه الاخلاق المكان نظيف.

من اجمل وانظف اماكن اللعب عندنا في الرياض بدون مبالغة 👏🏻 مع انهم من زمان فاتحين لكن ماشاء الله لسه محافظين على نفس مستواهم الرائع والمميز 👍🏻 نفس النظام ونفس الترتيب والحرص 👏🏻👏🏻 حالياً دخول المنطقة يكون كل ساعتين جولة جديدة 🎈 يفصلون بينهم بعشر دقايق تعقيم وتنظيف كامل المركز 🤩✨👍🏻 👏🏻 عندهم منتجات غذائية بمكونات نظيفة وعندهم خيارات صحية 👍🏻 الموظفات لطيفات جداً تبارك الله يلاحقون الاطفال ويصححون لهم ويوجهونهم بكل ذوق

رائع قليل عليه! أشكر القائمين عليه يعني أمدح الأمان أو النظافة أو حسن التعامل؟ خاصةً ناهدة، لفتني كيف دقيقة جدًا مع الأطفال وحريصة عليهم كأنهم عيالها الله يسعدها❤️ موقعه جدًا ممتاز بنفس المجمع في نادي رياضي يمدي أخلي بنتي وأنا متطمنة عليها بإذن الله وأروح للنادي

سويت عيد ميلاد بنتي عندهم وكثيييير حبيت الديكور مره ماكنت متوقعه يضبطونه بالطريقة هذه ابدا، الثيم كان غريب وفكرة جديدة عندنا بالرياض على كلام المتواجدين من اهالي هناك. تعاملهم جيد جدا حبيت نظافتهم واهتمامهم بالنظافة و الترتيب امان مره فيه بوابة نص باب تقريبا تمنع الكبار والصغار يطلعون الا بفتح الموظفة وشرابات امان لهم ويخلونكم تلبسون شي على جزمكم او يعطونكم شراب اذا بتلعبون. الحمامات فيها مغسله صغيره للاطفال الصغار فكرة جميلة جدا. القهوة العربية حلوه طلبناها مرتين.

حقيقي المكان نظيف و مرتب و يهتموا فيه بأدق التفاصيل. سويت عيد ميلاد ولدي و ماقصروا كل التجهيزات يسووها و يهتموا بكل التفاصيل 💕 و التعامل معاهم راقي جداً و المكان بشكل عام يهتم بالاطفال و صحتهم، الاكل كله صحي و لذيذ في نفس الوقت و الاطفال ينبسطوا لان الالعاب حركية

اجمل وانظف واهدى مكان تعامل الموظفات جداً راقي (( ناهدة )) هذه استثناء الله اعطاها جمال الخلق والخلق وسماحة الوجه وإيمان (((وهادية))خدمة متفانية واسلوب رايق في كل شي تعامل وترتيب حفلات وتميز واختلاف عن كل الحفلات التقليدية احبهم واحب اروح كل ما سمحت الفرصه ولا اختار عليهم مكان ثاني سنة اسوي حفلة عيد ميلاد عندهم وان الله اراد كل السنوات القادمه

المكان جميل ومرتب، فيه مكان واسع لراحة الأهل بحيث تكون تجربة متكاملة للطفل وعائلته. أتمنى للكل التوفيق.

منطقة ألعاب للاطفال .. رائعة وهادئة فيها جلسات للكبار ومطعم يقدم وجبات صحية للاطفال كلها منتجات عضوية التعقيم في المكان دوري مناسب جدا لعمر الحضانة واكبر كمان فيه غرف خدمات جيدة وقاعة احتفالات صغيرة

مكان رائع لاحتضان الاطفال ولعبهم ، المكان صح صغير بس مقسم بطريقه جيده ونتمنى انه يكبر ويوسع للاطفال خصوصاً لاقل من سنتين .. موظفة الاستقبال رائعه بصراحة وروحها عاليه تُشكر على ذلك والموظفات متعاونات كثير ونتمنى توسيع اكثر في الانشطه التعليمية وعندي ملاحظة يسيطة ليش يسكر الساعه ٩:٣٠ ليت يتم تمديد اوقات العمل.

مكان حلو للاطفال بإمكان الخادمه أو الام تلعب مع الطفل يوجد دورات مياه خاصه للتغيير يوجد مشرفات على الاطفال المكان آمن بإمكانكم تناول الوجبات وتتقهوون

المكان جدا جميل ونظيييييف ومرتب والعاملات عسل نفسيتهم حلوه كثير .. ينفع للاطفال والاعمار الصغيرة كثير بينبسطون